საბანკო სტრუკტურა და უსინათლო მომხმარებლები

დღეს, საქართველოში ძალიან აკტუალურ თემად იქცა, შეზღუდული შესაძლებლობის მქონე პირებისთვის ადაპტირებული გარემოს შექმნა. ამ საკითხის ირგვლივ ტრიალებს უამრავი არასამთავრობო ორგანიზაცია, თუ სახელმწიფო სტრუკტურა, მაგრამ ამავე დროს, როდესაც ვცდილობთ დისკრიმინაციის აღმოფხვრას, მისი თვალსაჩინო მაგალითი აგრძელებს არსებობას ჩვენს თვალწინ. საუბარი მაქვს უსინათლო ადამიანებისთვის მიუწვდომელ საბანკო სისტემაზე.
ამაზრზენია ის ფაქტი, რომ უსინათლო ადამიანს, ბანკში ანგარიშის გასახსნელად, თუ სხვა მნიშვნელოვანი ოპერაციის განსახორციელებლად, ესაჭიროება ხელმოწერა, ფაკსიმილიას ბანკში არ იღებენ. გარდა ამისა, ითხოვენ, რომ ის ვინც აწერს ხელს, თავად წაიკითხოს ხელშეკრულება. აქედან გამომდინარე კანონის თანახმად, უსინათლომ უნდა მიმართოს ნოტარიუსს, თან იყოლიოს ორი ან სამი მოწმე, პირი ვისზეც გააფორმებს მინდობილობას, გადაიხადოს დამატებითი თანხა, დაკარგოს უამრავი დრო და მხოლოდ ამ მანიპულაციების შემდეგ, მისი ნდობით აღჭურვილი პირი შეძლებს მიიღოს ბანკის მომსახურება. ეს ყოველივე პირვე რიგში, არღვევს ადამიანის დამოუკიდებლობის უფლებას, საკუთარი ფინანსების განკარგვის უფლებას, ქონების ხელშეუხებლობის უფლებას. ბანკები დღემდე არიდებენ თავს ბრაილის პრინტერების დადგმას, რომლის საშუალებითაც უსინათლო ადამიანი დამოუკიდებლად გაეცნობა ხელშეკრულებას და მოაწერს მას ხელს, ასევე არც ერთ ბანკს არ გააჩნია ელექტრონული გამადიდებელი CCTV, რომელიც მცირემხედველ ადამიანებს ტექსტის წაკითხვას გაუადვილებს და არც ერთი ბანკის არც ერთი ფილიალი არ არის სრულყოფილად მისაწვდომი მხედველობადაქვეითებუ­ლი ადამიანებისათვის. განათებები, ბრაილის წარწერები, რელიეფური მიმანიშნებლები იატაკზე _ ის მცირე ჩამონათვაია, რაც განვითარებულ ქვეყნებში ნებისმიერი ბანკის ნებისმიერ ფილიალში შეგხვდებათ. ამას თან ერთვის გაუმართავი ბანკომატები, რომლებითაც ვერც უსინათლო და ვერც მცირემხედველი ვერ სარგებლობს შრიფტის სიმცირის, დაბაი კონტრასტის და გახმოვანების არ არსებობის გამო.
ამგვარი ფაქტები მკვეთრად აჩვენებს სახელმწიფოს დისკრიმინაციულ მიდგომას მხედველობადაქვეითებუ­ლი ადამიანების მიმართ. ჩვენ კი, მხოლოდ საკუთარი უფლებების დაცვას და საკუთარი ფინანსების დამოუკიდებლად მართვას ვითხოვთ.
მარიანი აქტიურად ეწევა ადვოკატირების კამპანიას დისკრიმინაციული საბანკო სისტემის გამოსასწორებლად.

თეთრი ხელჯოხის დღე

http://www.youtube.com/watch?v=NKs2qD9pFM8

საპილოტე პროექტი ''გამცილებლები უსინათლოთათვის''

საქართველოში, უსინათლო ადამიანებისთვის ერთერთ უდიდეს პრობლემას წარმოადგენს გადაადგილება. მიუხედავად იმისა, რომ ამ პრობლემის გადაჭრაზე არა ერთი ორგანიზაცია მუშაობს და მათ შორისაა „მარიანიც“, პრობლემა კვლავაც აკტუალური რჩება და კიდევ დიდ ხანს იარსებებს, ვინაიდან ვითარების შესაცვლელად არაა საკმარისი მხოლოდ თეთრი ხელჯოხის შემოტანა და მხოლოდ უსინათლო ადამიანების აქტიურობა.
უსინათლოსა და დამოუკიდებლობას შორის დგას ხალხის არა ჯანსაღი დამოკიდებულება, თუნდაც საგზაო წესებისადმი, არა ადაპტირებული გარემო, თვით უსინათლოების დიდი ნაწილის არა საკმარისი დაინტერესებულობა. ბარიერს ქმნის შუქნიშნები, რომლებიც არ არის ხმოვანი, ტრანსპორტი, რომლებშიც არ ცხადდება გაჩერებების სახელები, ხელისუფლების ინდიფერენტული და საზოგადოების შემცოდებლური დამოკიდებულება უსინათლო ადამიანების მიმართ. ამიტომაც, კიდევ ძალიან დიდ ხანს მოგვიწევს მუშაობა იმისათვის, რომ ყოველმა უსინათლომ შეძლოს დამოუკიდებლად მივიდეს ქალაქის ნებისმიერ პუნკტამდე.
ცნობილი ფაქტია, რომ როდესაც უსინათლოს სურს მისთვის არაადაპტირებულ გარემოში სადმე წასვლა, მას ესაჭიროება გამცილებელი, რომლის შოვნაც ყოველთვის როდია ასე ადვილი. სწორედ ამ პრობლემის გადასაჭრელად, ოკუპაციური თერაპიის ფაკულტეტის ბოლო კურსის სტუდენტმა ‘’მარიანისთან’’ ერთად შეიმუშავა საპილოტე პროექტი ''გამცილებლები უსინათლოთათვის''. სადაც გვესაჭიროება მოხალისეები, რომლებიც უსინათლოებს გაუწევენ მეგზურობას სხვადასხვა მათთვის სასურველ ადგილამდე მისასვლელად და უკან დასაბრუნებლად. პროექტში მონაწილეობის მსურველი მოხალისეები გაივლიან შესაბამის მომზადებას/­­ტრენინგს, რათა უზრუნველყონ კვალიფიციური მომსახურება უსინათლოებისთვის. შესაბამისი ტრენინგები ჩატარდება 11, 12, 13 ივნისს 18:00-დან 20:00 სთ-მდე. პროექტის ხანგრძლივობაა 2 თვე (12 ივნისიდან 12 აგვისტომდე). მოხალისეების რაოდენობა შეზღუდულია.
დაინტერესებული პირები დაგვიკავშირდით: ტელ.: – 577 33 08 46.
თქვენი მონდომება ხელს შეუწყობს საზოგადოების ყველა წევრისთვის თანაბარი პირობების შექმნას და ნამდვილად დადებითად აისახება თქვენსავე ცხოვრებაზე, რადგან გარდა იმისა, რომ დაეხმარებით სხვას, შეიძენთ ახალ გამოცდილებას. უსინათლოებთან ურთიერთობის შემდეგ შეძლებთ უკვე სულ სხვა თვალით შეხედოთ შეზღუდული შესაძლებლობის მქონე ადამიანებს.

ამერიკელი უსინათლო-ყრუ გოგონას შთამბეჭდავი ისტორია

http://www.4motivi.com/%e1%83%98%e1%83%a1%e1%83%a2%e1%83%9d%e1%83%a0%e1%83%98%e1%83%90%e1%83%a8%e1%83%98-%e1%83%94%e1%83%a0%e1%83%97-%e1%83%94%e1%83%a0%e1%83%97%e1%83%98-%e1%83%a7%e1%83%95%e1%83%94%e1%83%9a%e1%83%90/